U canticu ri lu criaturi

Altìssimu, Omnipotenti, bon Signuri, Tò sunnu i laudi, ’a gloria, l’onuri e ogni binidizioni.
A Tia sulu, Altìssimu, ti tuoccunu e nuddu omu è dignu di numinàriti. Laudatu sii, mi’ Signuri, cu tutti i Tò criaturi, spicialmenti pi frati suli, ca fa lu jornu, e cu iddu nni allumini,iddu è beddu e raggianti cu granni splenduri di Te Altìssimu, porta la sumigghianza.
Laudatu sii, mi’ Signuri, pi soru luna e i stiddi "nto cielu i criasti lucenti, priziusi e beddi.
Laudatu sii, mi’ Signuri, pi frati viéntu, e pi l'aria, i nùvuli, i sirienu e ogni tiémpu, pi mienzu i quali a li Tò criaturi ci runi a campàri
Laudatu sii, mi’ Signuri, pi soru acqua, la quali è ùtili assai, ùmili, priziusa e casta.
Laudatu sii, mi’ Signuri, pi frati fúocu, cu lu quali allumini la nuotti, iddu è bieddu, allegru putienti e forti
Laudatu sii, mi’ Signuri, pi soru nostra matri terra, la quali nni susteni e nni guvierna,e produci diversi frutti, cu ciuri culurati e erba.
Laudatu sii, mi’ Signuri, pi chiddi ca pirdùnanu pi lu Tò amuri, e suppòrtanu malatìi e tribulazioni.
Biati chiddi ca l'hannu a suppurtari in paci,ca ri tia Altìssimu, sarannu incurunati.
Laudatu sii, mi’ Signuri, pi soru nostra morti d’u cuorpu, dalla quali nuddu omu viventi pò scappar , guai a chiddi ca mòrunu nte piccati murtali
Biati chiddi ca si tròvanu nta la Tò santìssima vuluntà,ca la secunda morti nun ci farà mali.
Laudati e binidìciti lu mi’ Signuri,e ringraziatilu, e sirvitilu cu granni umiltà.
pubblicata il 28 settembre 2026